KS

Seinustu tveir mánuður hafa verið æsispennandi á fjármálamörkuðum. Þar sem fjárfestar hafa verið að losa um stöður sínar í hlutabréfum. Þar sem ég reyni að fylgjast með hvað stóru strákarnir (smart money) eru að gera á markaðinum, þá skulum við skoða kortið fyrir S&P 500. (Smellið tvisvar á mynd til að stækka hana)

Ef við sjáum mikla veltu á markaðinum, þá vitum við að stóru strákarnir (sjóðir, bankar og tryggingafélög td.) eru að verki. En þeir starfa líka í lítilli veltu. Þeir versla mikið í lítilli veltu þegar markaðurinn sveiflast til hliðar einsog markaðurinn hefur verið að gera frá 9 ágúst.  En hvernig vitum við hvort stóru stákarnir eru að losa eða safna. Kíkjum á mynd, ég vil þó vara við því að við erum sennilega ennþá fyrir miðju á núverandi hliðarsviflu þannig að þessi greining á því hvort markaðurinn er á uppleið eða niðurleið í framtíðinni fæst ekki núna.

Í byrjun ágúst 1) byrjar mikil sala í hárri veltu, verðið fellur hratt (panic). Þann 9. ágúst 2) stoppar fallið í hæstu veltu í langan tíma. Það sem gerist er að fjárfestar sjá kauptækifæri og skortsalar loka stöðum sínum í æsilegustu viðskiptum á þessu ári. Þegar svona mikil velta verður á markaðinum að þá stöðvast trendið og fer í hliðarsveiflu einsog núna eða trendið snýst við og fer upp.

Þann 18 ágúst 3) byrjar verðið að falla aftur í mikilli veltu en stöðvast samt fyrir ofan 2) þar sem fjárfestar byrjuðu að kaupa aftur. Þar sem veltan var lægri þann 3) en hjá 2) þá heldur verðið ser fyrir ofan 2), einhverjir halda áfram að kaupa á móti sölunni. Í 4) reynir verðið að fara uppfyrir seinasta hágildi í lítilli veltu, þar sem veltan er lítil að þá hverfur kraftur verðsins uppá við og verðið fellur niður aftur.

Á föstudaginn 5) sjáum við aftur mikin losunar dag, en tökum eftir því að veltan á losunardögunum er alltaf að minnka. Það sem hinsvegar gerir það að verkum að við ættum að taka þennan losunardag alvarlegan er að verðið féll duglega eða um 2,65%.

Þegar líður á þessa hliðarsveiflu ætti myndin að fara að skýrast, þeas í aukinni veltu hvort verðið falli skarpt (lítill áhugi á að kaupa á móti sölu) eða hvort verðið falli lítið og fari jafnvel upp í aukinni veltu (kaup á móti sölu). Fyrstu 2 dagar í þessari viku ættu að vera spennandi til að fylgjast með.

Á þessu bloggi ætla ég að fjalla um þá fjármálagjörninga sem snerta okkur Íslendinga sem mest, og reyna að ræða og/eða rökræða hvert þessir fjármálagörnirgar eru að fara, upp, niður eða til hliðar næstu daga/misseri á eftir.

Þessir gjörningar eru:
-S&P 500, Bandaríska vísitalan 500 stærstu fyrirtækja í hverri grein.
-Olía
-Ál
-Gjaldmiðlar: Dollar, Evra, Jen, Sviss Franki, GP Pund.

Og svo tek ég kannski einstök hlutabréf stærstu fyrirtækja á Bandaríska markaðinum og jafnvel víðar .

Þetta blogg verður fer hægt af stað og skrif mín verða stopul langt fram á sumar. En þegar nær dregur hausti þá ættu skrifin að verða orðin reglulegri.

Þetta blogg verður aðeins til fræðslu og röksemda, en ekki til að taka stöður í ofangreindum fármálagjörningum.